【走塑】Donki轉紙盒被揶揄「盲盒壽司」 店家解釋箇中原因
發布時間： 2024/04/23 19:29
最後更新： 2024/04/23 19:37
▲ 網民戲言，Donki改用紙盒裝壽司，變成「盲盒壽司」，引起熱議。（FB 網上圖片）
昨日（22日）起實施首階段即棄塑膠，禁止堂食及外賣提供膠叉、膠刀丶膠匙、膠飲管、膠攪拌棒及所有發泡膠餐具。今日有網民發現，日式超市DonDonDonki的壽司拼盤，竟然轉用白色紙盒連紙蓋包裝，被形容為「抽盲盒」，惹起網上熱議，有人話「冇得揀我唔會買囉」，重點是看不到壽司狀況，不知道新鮮程度，有人直言「好啦，又多過理由失去消費動力」。
不過有眼利的網民發現，其實Donki在凍櫃有貼告示，由於堂食不可以使用塑膠即棄容器，相信因此才會有紙盒裝壽司，而紙盒裝更有紅色標貼，寫住「可於店內享用」。
今午「盲盒壽司」掀起話題，大多數留言網民都不理解Donki紙盒壽司的做法：
「去揀壽司買，係買外賣樂趣之一。揀到盒靚嘅食都食得開心D，冇得揀我唔會買囉。」
「係佢自己戇居啫，其實都仲可以用多半年之前嘅（膠）盒，叻唔切，咁快換（紙盒）有獎攞呢？」
有網民直言，「香港咁熱，可能買到返屋企焗熟咗。」而且「盲盒壽司」無得揀：
「一啲都唔吸引囉，應該先用保鮮紙包住給人客揀，在買出的時候再蓋上蓋子。」
不過網民都深明，店家無人手等顧客逐盒揀完再包紙蓋：
「好啦，又多過理由失去消費動力。」
其實，按照法例，首階段堂食是禁用即棄塑膠杯、膠杯蓋、膠飯盒等，但外賣未有替代品，首階段仍可使用。
因此Donki被網民指為「換得太早」，不過亦有人回應：
「除非你執咗佢啦。 半年後佢係一定要你用㗎嘛。同戇居冇關係， 一係你就用，一係你就執咗佢！」
不過謎底終於解開，Donki其實有在售賣區貼告示，因為部分Donki有堂食，因此有提醒顧客「4月22日開始，法例規定堂食不可以使用塑膠即棄容器，請勿在此進食任何塑膠即棄容器包裝之食品，包括未有貼上『可在店內享用』（標籤）的便當、熟食、壽司刺身。」相信因此才有分膠盒裝和紙盒裝。
而有社交平台亦貼出，另一間日式超市AEON，並未換上紙盒，仍保留膠盒壽司，被笑指不用抽「盲盒」。
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
責任編輯：TOPick港聞組
